Pas daljes nga spitali, Papa Françesku bën një paraqitje të papritur publike

Papa Françesku bëri një paraqitje të papritur publike sot, kjo është hera e parë që udhëheqësi i Kishës Katolike është parë në publik që nga largimi nga spitali dy javë më parë.

Françesku përshëndeti turmat në Vatikan dhe dukej se ishte në humor të mirë. Ai ishte ulur në një karrige me rrota dhe kishte veshur atë që dukej të ishte një kanula e hundës që i ndihmonte frymëmarrjen, raporton CNN.

Papa 88-vjeçar kaloi pesë javë në spital me pneumoni në shkurt dhe mars. Sipas ekipit të tij mjekësor, Papa iu afrua vdekjes gjatë sëmundjes.

Paraqitja e Papës nuk ishte njoftuar më parë.