Kompany: Dimë të shënojmë dhe të mbrohemi

Trajneri i Bayernit të Mynihut, Vincent Kompany, foli pas barazimit kundër Borussia Dortmundit, duke iu rikthyer edhe njëherë çështjes së Interit, kundërshtar i radhës i bavarezëve në Ligën e Kampionëve pas humbjes në ndeshjen e parë:

"Ndoshta një klasike e vërtetë. Në pjesën e parë patëm shumë kontroll dhe disa raste, si ajo e Michael Olise.

Më pas pësuam një gol disi të pafat, dhe që aty ndeshja mori tiparet e një sfide tipike kupe.

Do ta blija një biletë për një ndeshje të tillë. Por nga këndvështrimi i trajnerit, pjesa e parë ishte më afër asaj që donim.

Ishte një ndeshje e bukur futbolli, me raste nga të dyja palët."

Mbi gabimin e Kim:

"Nuk dua ta komentoj tani këtë. Kemi një grup të ngushtë lojtarësh. Nuk flasim shumë për mungesat, por sot na mungonin disa lojtarë të rëndësishëm.

Kemi nevojë për secilin prej tyre. Djemtë që janë, duhet të japin rezultate dhe paraqitje të mira.

Tifozët, që ishin të pranishëm si kundër Interit, panë 50 goditje dhe disa raste të mëdha.

Ne mund të shënojmë, dimë edhe të mbrohemi. Jemi të rrezikshëm dhe këtë mund ta shfrytëzojmë."

Për konkretizimin e rasteve:

"Ky është futbolli. Problemi lind kur mungon cilësia, por ne atë cilësi e kemi. Mund të ndodhë që të shënojmë dy gola nga dy raste. Gjëja e parë është të besosh, dhe ajo besim ekziston tek ne".