Dorëzon portofolin e gjetur me dokumente dhe para, policia shpreh mirënjohje për qytetarin nga Shtimja

Një qytetar nga Shtimja, H. Bungu, 40 vjeçar pasditen e së dielës ka gjetur një portofol me dokumente dhe para në një qendre tregtare në fshatin Koshare dhe e ka dorëzuar menjëherë në stacionin policor në Shtime.

“Pas verifikimit, portofoli rezultoi të ishte i M.B nga Shtimja.

Policia kontaktoi pronaren, e cila erdhi në stacion për ta marrë portofolin.

Dokumentet dhe shuma prej 233 euro dhe 1 dollar iu kthyen asaj me procesverbal”, njofton policia.

Drejtoria Rajonale e Policisë në Ferizaj ka shprehur mirënjohje për qytetarin H. Bungu, duke e vlerësuar këtë gjest si një akt human dhe shembullor, që pasqyron standarde të larta të integritetit dhe përgjegjësisë qytetare.