Talenti i futbollit ndahet nga jeta në mënyrë tragjike, reagon Armand Duka

Sot shënon një ditë zie në Shkodër, por jo vetëm, edhe në Shqipëri.

Një djalosh 13-vjeçar u nda nga jeta në mënyrë të parakoshme si pasojë e një aksidenti automobilistik me motorr.

Fabian Shpatit iu ndërpre ëndrra për futbollin përgjysëm me një aksident fatal që i mori jetën.

Për ndarjen nga jeta të 13-vjeçarit, pak më parë ka reaguar dhe klubi i Vllaznisë. 

“Një lajm tragjik ai i ndarjes nga jeta të Fabian Shpatit, djaloshit 13-vjeçar që ëndërronte që një ditë të bëhej futbollist dhe stërvitej dhe luante çdo ditë në akademinë “Djelmnia shkodrane”.

Ëndrra e Fabianit u ndërpre në mes nga një aksident dhe dua, që në emrin tim dhe të Federatës së Futbollit, t’i shpreh ngushëllimet e sinqerta familjes së djaloshit, akademisë “Djelmnia shkodrane”, të afërmve dhe miqve me të cilën ai ndante të njëjtën ëndërr.

Prehu në paqe Fabian!”, shkruan presidenti Duka.