Prishtina dëshpëron, Ferizaj përforcon vendin e katërt

Ferizaj kthehet me një pikë të madhe sa Lybeteni nga stadiumi “Fadil Vokrri” në Prishtinë.

Skuadra me renome Prishtina ka dëshpëruar keq dhe po rrezikohet që të bie në zonën e kuqe, të ekzistencës.

Prishtinas si vendas u nda baras (0:0) me Ferizajn, në ndeshjen e javës së 30-të të elitës së futbollit të Kosovës.

Prishtina mbeti pa një lojtar nga minuta e 25-të, pasi që Philippe Boueye u përjashtua pas një ndërhyrje të ashpër ndaj lojtarit të Ferizajt.

Në pjesën e dytë Ferizaj pati disa mundësi që të fitojë ballafaqimin por pa finalizim.

Si do që jetë është një pikë e madhe për djelmoshat e kryetrajnerit Arsim Abazi, pasi që me Ferizajn gradualisht ikin nga zona e rrezikut dhe përforcojnë pozitën e katërt me 42 pikë.

Prishtina renditet në vend të pestë me 39 pikë por ka vetëm tre më shumë se vendi i tetë Dukagjini, kjo e fundit ka një ndeshje më pak.