E shqelmojnë në rrugët e Lubjanës, në një moment ngritët në këmbë dhe fillon të shtie mbi ta me armë

Një video e përleshjes brutale fizike dhe të shtënave në Lubjanë të Sllovenisë po shpërndahet në rrjetet sociale.

Sipas 24ur, konflikti ka nisur në një lokal dhe ka përfunduar në rrugë.

Në një video të postuar nga 24ur, një grup meshkujsh po shqelmonin një burrë me bluzë jeshile i cili është shtrirë në tokë.

Dhe për t’i bërë gjërat edhe më keq, në një moment vjen një burrë me bluzë të bardhë duke mbajtur një armë në dorë, ku më pas tjerët fillojnë të ikin me shpejtësi.

Burri i rrahur ngrihet papritur nga toka, merr armën, vrapon pas sulmuesve dhe fillon të qëllojë.

24ur shkruan se përshkallëzimit i ka paraprirë një debat mes dy të njohurve në një restorant në Shishka, gjatë të cilit burri ka goditur gruan.

Gjithçka u zhvendos në një rrugë aty pranë, përpara një pallati, ku një grup burrash filluan të rrihnin të dyshuarin.

Pas largimit të grupit, i dyshuari i është afruar sërish gruas dhe e ka goditur disa herë me grusht, më pas është dorëzuar në stacionin policor. Të dy kanë pësuar lëndime.

Gazetari i 24ur foli me djalin e gruas së lënduar, i cili tha se nëna e tij e telefonoi për t’i thënë se ajo ishte rrahur, kështu që ai dhe miqtë e tij erdhën në ndihmë dhe filloi sherri në rrugë.

Ai pretendon se njeriu që sulmoi nënën e tij më pas vrapoi pas tyre me armë, duke i bërë ata të ikin. Më vonë ai u kthye dhe e lëndoi aq rëndë nënën e tij, saqë ajo u dërgua me urgjencë në spital.