Rasti tragjik në Prizren: Prokuroria jep detaje të reja për vra*sjen e vajzës nga babai

- Gazeta e Prizrenit

Rasti tragjik në Prizren: Prokuroria jep detaje të reja për vra*sjen e vajzës nga babai

Prokuroria Themelore në Prizren – Departamenti për krime të rënda ka dhënë detaje të reja për vrasjen makabre të një vajze në Prizren.

Ngjarja ka ndodhur rreth orës 05:30, në rrugën “Shotë Galica” në Prizren.

“Bazuar në të dhënat fillestare të hetimit, dyshohet se krimi ka ndodhur brenda rrethit familjar, ku i dyshuari – (shtetas turk), babai i vajzave, dyshohet se me një mjet të mprehtë (thikë) ka privuar nga jeta vajzën e tij rreth moshës 15-vjeçare, e cila ka ndërruar jetë në vendin e ngjarjes.

Po ashtu, vajza tjetër, rreth moshës 10-vjeçare, ka pësuar lëndime trupore dhe ndodhet jashtë rrezikut për jetën. Ajo është dërguar në Qendrën Klinike Universitare të Kosovës (QKUK) për trajtim të mëtejmë mjekësor. Po, ashtu lëndime trupore ka pësuar edhe bashkëshortja e të dyshuarit (nëna e vajzave). I dyshuari gjithashtu është vetëlënduar, por është jashtë rrezikut për jetën.

Nga pranimi i informatës në orët e hershme të mëngjesit, në vendin e ngjarjes ndodhet kryeprokurori i Prokurorisë Themelore në Prizren, Petrit Kryeziu, ku pritet që me njësitet relevante policore, së bashku me krimteknikën dhe zyrtarët e IML-së, të pëfundojnë procedurat hetimore në vendin e ngjarjes.

Prokuroria Themelore në Prizren, është duke ndërmarrë të gjitha veprimet e nevojshme hetimore për zbardhjen e plotë të rrethanave të këtij rasti tragjik”, thuhet në njoftim.



Read it all at Gazeta e Prizrenit