Ibra befason

Zlatan Ibrahimoviç përmendi ish-lojtarin anglez që i pëlqente më shumë, në një intervistë të vjetër.

Ish-ylli i Suedisë, Ibrahimovic, ishte një nga sulmuesit më të mëdhenj të brezit të tij, duke fituar 34 trofe dhe shënuar mbi 500 gola gjatë karrierës që përfshiu katër dekada.

Karriera e tij përfshiu klube të mëdha si Ajax, Juventus, Inter, AC Milan, Paris Saint-Germain dhe Manchester United.

Ndërsa Ibrahimoviç ishte një nga sulmuesit më të lavdëruar të kohës së tij, ai ka lavdëruar një nga bashkëkohësit e tij.

Në një intervistë të vitit 2011 për BBC, sulmuesi tha: “Lojtari që më pëlqen është Ëayne Rooney. Për mua, Rooney është një futbollist fantastik. Mund ta imagjinoj duke luajtur krah meje.

Për mua, Rooney nuk është lojtari që shënon 40 gola në sezon. Por ai është lojtari që ndihmon partnerin e tij të shënojë shumë gola, sepse ai punon për një, dy dhe ndoshta tre lojtarë të tjerë. Duket sikur ka një mentalitet të fortë për të fituar – si unë, ai nuk pëlqen të humbasë.

Mendoj se gjëra të çmendura ndodhin rreth tij gjithashtu. Ai është një djalë impulsiv si unë. Në futboll askush nuk është perfekt. Mëson nga gabimet e tua dhe kjo më pëlqen tek ai. Ai është vetvetja; mendoj se kjo është shumë e rëndësishme. Ky është një lojtar anglez që më pëlqen më shumë se kushdo tjetër.”

Sigurisht, Ëayne Rooney dhe Ibrahimovic luajtën bashkë te Manchester United për dy sezone mes viteve 2016 dhe 2018.

Në vitin 2016, Ibrahimovic e përshkroi Rooney-n si një “person fantastik” dhe “lojtarin perfekt”.

“Si person, ai është fantastik, kam pasur fatin ta njoh,” tha Ibrahimovic për Rooney-n, sipas Sky Sports.

“Si lojtar, nuk ka fjalë për të mos thënë për të – ai është lojtari perfekt. Të gjithë e dinë çfarë mund të bëjë, çfarë ka bërë, çfarë ka arritur. Jam i lumtur për të që theu rekordin dhe do ta ndihmoj të shënojë edhe një tjetër – atëherë unë e shoh si rekordin e vërtetë”.