Zelensky thotë se Trump duhet ta kuptojë se Putini është pengesë për paqen

Presidenti ukrainas, Volodymyr Zelenskyy ka thënë se shpreson që periudha aktuale e diplomacisë dhe e veprimeve me rreziqe të larta midis Rusisë dhe Ukrainës do të përfundojë me Donald Trumpin që do të kuptojë se Vladimir Putin është pengesa e vërtetë për një marrëveshje paqeje.

“Trump duhet të besojë se Putini në të vërtetë gënjen. Dhe ne duhet të bëjmë pjesën tonë.

T’i qasemi kësaj çështjeje me mençuri, për të treguar se nuk jemi ne ata që po e ngadalësojmë procesin”, tha Zelenskyy, duke folur me një grup të vogël gazetarësh, përfshirë Guardian, në zyrën e tij në administratën presidenciale në Kiev.

Zelenskyy tha se do të udhëtojë për në Turqi të enjten, pavarësisht nëse Putini do të fluturojë apo jo për bisedime.