Rritet mbështetja për Zelenskyn, thotë sondazhi i ri

Besimi i qytetarëve ukrainas ndaj presidentit, Volodymyrr Zelensky ka shpërthyer nga 69 për qind në mars në 74 për qind gjatë gjysmës së parë të majit, sipas një studimi të ri që u publikua sot nga Instituti Ndërkombëtar i Sociologjisë në Kiev (KIIS), raporton Kyiv Independent.

Ky është niveli më i lartë i besimit që KIIS ka regjistruar që nga dhjetori i vitit 2023, kur lideri ukrainas kishte mbështetje prej 77 për qind nga të anketuarit.

Anketa u realizua në një kohë kur presidenti ukrainas po përgatitet për një mundësitë takim të drejtpërdrejtë me presidentin rus, Vladimir Putin më 15 maj në Turqi, në kuadër të negociatave për paqe.

Në krahasim me anketën e marsit, niveli i besimit u rrit me pesë pikë përqindje, ndërsa mosbesimi ra nga 28 në 22 për qind. Dallimi total midis besimit dhe mosbesimit është +52 pikë përqindje.

Hulumtuesit theksojnë se Zelensky ka besim të shumicës në të gjitha rajonet e Ukrainës.

Anketa u realizua nga 2 deri më 12 maj me një mostër prej 1010 qytetarëve të rritur që jetojnë në territoret nën kontrollin ukrainas.