Pasuria e Papa Leonit XIV/ Sa do të paguhet Robert Prevost dhe çfarë pasurie zotëron ai?

Kisha Katolike shënoi një moment historik me zgjedhjen e Papa Leonit XIV (Robert Francis Prevost). I lindur në Chicago, 69 vjeç, ai është një figurë e njohur në panoramën e episkopatës amerikane. Ka qenë bashkëpunëtor i ngushtë i Papës Francesku, pasi ka shërbyer si Prefekt i Dicasterit për peshkopët. Ai është Papa i parë amerikan (ndonëse, në fjalimin e tij të parë, ka zgjedhur të mos thotë asnjë fjalë në anglisht). Pavarësisht se është pjesë e grupit të kardinalëve amerikanë, ai është konsideruar si më pak “amerikan” se kolegët e tij, pasi ka një histori si misionar dhe njeh shumë mirë Amerikën Latine.

Ka mbaruar studimet në Matematikë dhe Filozofi, dhe është anëtar i Urdhrit të Augustinianëve. Nga 2001 deri në 2013 ka qenë prior i përgjithshëm i Kongregatës dhe peshkop i Chiclayo, në Peru. Aktualisht drejton Dicasterin për Peshkopët dhe është president i Komisionit Papnor për Amerikën Latine.

Pavarësisht përgjegjësive të mëdha, Papa Leoni XIV nuk do të marrë një pagë tradicionale. Në përputhje me traditën, Vatikani mbulon të gjitha shpenzimet e jetesës së papës, duke përfshirë strehimin, ushqimin, transportin dhe sigurinë. Para zgjedhjes si papë, Prevost fitonte midis 4,300 dhe 5,400 dollarë në muaj. Tani, këto të ardhura zëvendësohen me mbështetje të plotë nga Selia e Shenjtë.

Pavarësisht mungesës së një page personale, Papa Leoni XIV ka nën menaxhim një nga institucionet më të pasura në botë, me pasuri të shumta në pasuri të patundshme, vepra arti dhe investime. Megjithatë, ai nuk zotëron personalisht asnjë prej këtyre pasurive. Stili i tij i jetesës ka qenë gjithmonë i thjeshtë, i fokusuar te shërbimi dhe jo te grumbullimi i pasurisë.

Si shembull, Papa Françesku, paraardhësi i tij, kishte një pasuri të vlerësuar në rreth 16 milionë dollarë, shumica e së cilës ishte dhuruar. Ai madje refuzoi një pagë vjetore prej 32,000 dollarësh nga Kisha, duke zgjedhur ta dhuronte atë. Po ashtu, pritet që Papa Leoni XIV të ndjekë një rrugë të ngjashme modestie dhe përkushtimi.Edhe pse nuk ka një llogari bankare personale që pasqyron fuqinë ekonomike të Vatikanit, Papa Leoni XIV ka në dispozicion të gjitha nevojat e tij të mbuluara nga Selia e Shenjtë. Kjo përfshin transport privat, siguri të lartë dhe një vend qendror në Vatikan, duke i mundësuar atij të përmbushë misionin e tij pa mungesa materiale.