Ronaldo nuk e ka ndërmend të ndalet, së shpejti do të njoftoj për klubin e ri

Cristiano Ronaldo është gati për hapin e radhës në karrierë dhe mund të largohet nga Al Nassr në fund të sezonit.

Sipas gazetarit Nicolo Schira, superylli portugez pritet të njoftojë së shpejti destinacionin e tij të ardhshëm, me disa oferta interesante në tavoline.

Ylli 40-vjeçar aktualisht është pjesë e Al-Nassr në Arabinë Saudite, por ka deklaruar se synon të luajë për të paktën edhe dy sezone të tjera, duke vazhduar një karrierë që nuk njeh moshë.

Kontrata e Ronaldos me Al-Nassr skadon në qershor 2025, dhe kjo ka nxitur spekulime rreth së ardhmes së tij. Përveç klubeve saudite, emri i tij është lidhur edhe me ekipe nga Evropa dhe madje edhe nga Brazili.

Një nga pistat më të përfolura është ajo e Flamengos, me zëra që sugjerojnë një transferim të mundshëm për të qenë pjesë e Kupës së Botës për Klube 2026.

Pavarësisht moshës, Ronaldo mbetet në formë të mrekullueshme dhe mbetet golashënuesi më i mirë në histori me 934 gola në karrierën e tij të jashtëzakonshme dhe është ende larg nga planet për t’u tërhequr.

Objektivi i tij personal është tashmë i njohur që t’i arrijë 1,000 gola. Ky synim e mban të motivuar dhe është një nga arsyet pse klubet vijojnë të shfaqin interes të madh për të.

Tifozët e CR7 presin me ankth vendimin e tij, ndërsa bota e futbollit është në pritje të kapitullit të ri të legjendës portugeze, që duket se nuk ka ndërmend të ndalet.