E mbijetuara e rrethimit të Leningradit gjobitet për… protestë kundër luftës!

Një gjykatë ruse ka gjobitur një kundërshtare 84-vjeçare të luftës me 10 000 rubla (125 dollarë) për kritikat ndaj konfliktit në Ukrainë, raportuan mediet nga gjykata në Shën Petërburg.

Ludmila Vasilyeva është një mbijetuese e rrethimit të Leningradit, pas sulmit të udhëhequr nga nazistët në Shën Petërburgun e sotëm, i cili vrau qindra mijëra njerëz gjatë Luftës së Dytë Botërore.

Aktivistët e të drejtave të njeriut kanë kritikuar sistemin arbitrar të drejtësisë të Rusisë për moskursimin as të veteranëve, të cilët duhet të gëzojnë mbrojtje të veçantë në Rusi për shkak të përvojave të tyre traumatike të luftës.

Në përvjetorin e tretë të fillimit të pushtimit të plotë në shkallë të gjerë të Ukrainës nga Rusia, Vasilyeva mbajti një pankartë në një protestë qytetin e saj të lindjes, Shën Petërburg, ku shkruhej “Njerëz! Le t’i japim fund luftës! Ne jemi përgjegjës për paqen në planetin Tokë!”.

Gjykata e konsideroi këtë si një sulm ndaj nderit të ushtrisë ruse dhe e dënoi Vasilyevan për shpifje.

Sipas gazetës kritike ndaj Kremlinit, Novaya Gazeta, më shumë se 60 mbështetës të Vasilyevës erdhën në gjykatë, por nuk u lejua askush të hynte brenda.

Vasilyeva ka organizuar vazhdimisht demonstrata pacifiste që nga fillimi i luftës dhe është arrestuar disa herë në tubimet kundër luftës.