Dy alternativa në sulm për sezonin e ardhshëm

Juventusi po vazhdon punën për ndërtimin e skuadrës për sezonin e ardhshëm, me fokus të veçantë te reparti ofensiv.

Në rast të një largimi të mundshëm të Dusan Vlahovic, drejtuesit bardhezi kanë identifikuar një emër prioritar për sulmin: Mateo Retegui.

Sipas “Tuttosport”, sulmuesi i kombëtares italiane shihet si alternativa më e përshtatshme, në një moment kur interesimi për Vlahovic është shtuar nga klube si Manchester United dhe Atletico Madrid.

Nëse nuk realizohet transferimi i Retegui, Juventusi mund të kthejë vëmendjen te Rasmus Hojlund, i cili mund të largohet nga Manchester United gjatë verës.

Hojlund është një profil që pëlqehet prej kohësh nga bardhezinjtë dhe mund të kthehet në një pistë konkrete në rast se hapet dritarja e duhur për një marrëveshje.