Profesori që kërcënoi vajzën e Melonit kërkon falje

"Ishte një gjest idiot, i shkruar impulsivisht. Kërkoj ndjesë për përmbajtjen e postimit: nuk e dëshiron kurrë vdekjen, sidomos për një fëmijë. Por unë nuk i tërheq idetë e mia politike: nuk ndihem i përfaqësuar nga kjo qeveri".

Kështu tha Stefano Addeo, një mësues gjermanishteje në një shkollë të mesme në provincën e Napolit, në një intervistë për Roma Online pas polemikave që lindi nga postimi i tij në lidhje me vajzën e Giorgia Melonit, shkruan ANSA.

“E kuptoj sa serioze është”, shton ai, por nuk kam bërë kurrë politikë në klasë. Nxënësit e mi më duan. Urrej të gjitha format e dhunës, i dua kafshët, bëj punë vullnetare. Ishte një gabim”.

Mësuesi raporton në intervistën, të botuar të plotë në Roma online, se ka marrë “kërcënime me vdekje, fyerje dhe domate të hedhura në dritaret e shtëpisë së tij".

“Unë bëra një ankesë në Policinë Postare. Nuk e fshiva postimin nga frika, por sepse e kuptova vetë se ishte gabim”. "Nuk e pranoj - përfundon ai - që një mësues duhet ti ndajë në mënyrë skllavërore idetë e qeverisë për tu konsideruar i denjë për rolin e tij".

Masat disiplinore kundër Stefano Addeo do të merren që të martën.