Media kroate për kryeqytetin shqiptar ku zbarkoi kombëtarja serbe: Dominohet nga një kullë 112 metra

Ky është stadiumi ku Shqipëria dhe Serbia do të luajnë sonte, është titulli i mediumit kroat “Index.hr”.

“Shqipëria dhe Serbia do të luajnë sonte në orën 20:45 në ndeshjen kualifikuese për Kupën e Botës.

Ndeshja është me rrezikshmëri të lartë ku do të luhet në stadiumin Air Albania në Tiranë. 

Është një stadium i bukur me kapacitet prej 22,500 spektatorësh, i cili u hap në vitin 2019, dhe përveç ekipit kombëtar shqiptar, aty luajnë dy klube nga Tirana: Dinamo dhe Partizani.

Që nga viti 2010, qeveria shqiptare dhe Federata Shqiptare e Futbollit janë përpjekur të bien dakord për ndërtimin e një stadiumi të ri.

Dy projekte dështuan, por në vitin 2016, pasi UEFA nuk i dha licencë stadiumit të vjetër ‘Qemal Stafa’, ata u ulën dhe ranë dakord për një projekt të ri stadiumi.

U deshën tre vjet e gjysmë nga momenti që filloi planifikimi deri në ndeshjen e parë në nëntor të vitit 2019 në stadiumin e ri. Buxheti i projektit fillimisht ishte 50 milionë euro, por kostot u rritën dhe stadiumi përfundoi duke kushtuar 85 milionë euro, nga të cilat rreth dhjetë milionë euro u paguan nga UEFA përmes programit HatTrick.

Stadiumi Air Albania, me dizajnin e tij jashtëzakonisht modern, i ngjan formës së territorit të Shqipërisë kur shihet nga ajri.

Struktura dominohet nga një kullë 112 metra e vendosur në një nga cepat e stadiumit, ku ndodhet Hoteli ‘Tirana Marriott’ me 80 dhoma. Stadiumi përfshin gjithashtu ambiente biznesi të mbuluara me panele me ngjyrat e flamurit shqiptar dhe të gjitha objektet e tjera shoqëruese”, shkruan media kroate.