Nesër Reijnders zyrtarizohet te Manchester City?

Ditën e nesërme pritet të zyrtarizohet transferimi i Tijjani Reijnders nga Milan te Manchester City për 55 milionë euro plus 15 milionë euro të tjera bonuse.

Te Milan tashmë janë pajtuar me largimin e holandezit dhe kanë filluar nga puna për të gjetur një zëvendësues të denjë për të.

Një nga emrat që po qarkullon së fundmi në listën e Milan për të zëvendesuar Reijnders është edhe ai i Granit Xhakës. Kuqezinjtë janë gati të paguajnë 15-20 milionë euro për të sjellë në Milano mesfushorin shqiptar dhe t’i ofrojnë atij një rrogë 2-3 milionë euro në sezon, pak a shumë aq sa merr edhe te Leverkusen.

Nga ana tjetër, klubi i Bundesligës është i gatshëm ta lërë të lirë Xhakën për 15-20 milionë euro, duke ditur që kontrata e tij skadon pas një viti dhe mund të largohet si lojtar i lirë.

Në listën e drejtorit sportiv, Igli Tare, ka dhe emra të tjera në mesfushë që po ndiqen dhe shihen si alternativa për të plotësuar boshllëkun e lënë nga largimi i Tijjani Reijnders. Milan po dnjek gjithashtu edhe emra si Adrien Rabiot, Samuele Ricci dhe Nicolo Rovella.