Guardiola: Dua të vuaj, nuk jam gjeni

Pep Guardiola e mbylli sezonin pa trofe te Mançester Siti.

 Në një intervistë për “Reuters”, spanjolli analizoi problemin e madh që e ka goditur prej 2017-ës.“Dua të vuaj kur nuk fitoj ndeshje.

Dua të ndihem keq. Dua të fle keq.

Dua që kur situata përkeqësohet, të më godasë.

Ne jemi në këtë botë për të përjetuar përvoja të ndryshme, humor të ndryshëm. Suksesi gjykohet, duke fituar dhe ky është një problem.

Nuk do ta gjykoj veten apo ekipin tim nga sezonet e këqija apo të mira. Ndoshta duke përfunduar i treti në një sezon dhe duke mos u dorëzuar kurrë, përndryshe përfundon i 10-ti ose i 12-ti. Ndoshta ky ishte një sezon më i mirë se vjet, kur fituam “Premier League”- n e katërt radhazi.

U përballëm me shumë vështirësi, të rënduara nga lëndimet. Periudhat e pushimit nuk ishin mjaftueshëm për shumë arsye. Ndoshta analiza e periudhës sime më bën të mendoj se sezoni i kaluar ishte më i mirë.

Kualifikimi në Champions kur ishim në prag të mos ia dilnim, ka një vlerë të madhe. Suksesi është sa herë ngrihesh kur bie.

Të biesh, të ngrihesh. Të biesh, të ngrihesh. Ky është suksesi më i madh. Fituesit janë të mërzitshëm. Është mirë të shohësh humbës.

Atëherë mëson vërtet. Nuk ndihem i veçantë sepse kam fituar shumë tituj. Jo! Harrojeni! Mendoj se mjeku që shpëton jetë është i veçantë. Ai që shpiku penicilinën. Ky është një gjeni. Unë nuk jam një gjeni. Nuk dua të pretendoj të jem i përulur.

Sigurisht që jam trajner i mirë. E kam provuar këtë për vite me radhë, por suksesi që kam pasur më ka zgjedhur mua. Në momente të caktuara, për të udhëhequr Lionel Mesin dhe të tjerët, për të qenë në ato lloj vendesh, krijova ekipe të pabesueshme”, tha Guardiola.