Tentoi të vetëvritet me thikë, zbulohet identiteti

Identiteti i ish-lojtarit të Montpelier që u gjet i plagosur rëndë në shtëpinë e tij është zbuluar.

Ai është Daniel Kongre, një ish-mbrojtës që ka luajtur edhe për Tuluzë.Shërbimet e urgjencës mbërritën në vilën e tij në Pérols, një qytet në jug të Montpellier, rreth orës 7:00 të mbrëmjes së djeshme dhe e gjetën atë pa ndjenja, pasi kishte humbur shumë gjak për shkak të një plage me thikë.

Gjendja e tij është serioze, por e qëndrueshme, ndërsa policia gjyqësore lokale (SLPJ) ka hapur një hetim për të përcaktuar rrethanat e aksidentit, por sipas prokurorit, 40-vjeçari tentoi të vetëvritej.

I lindur në Tuluzë, Daniel Kongre luajti 227 ndeshje për klubin e qytetit të tij të lindjes deri në largimin e tij në vitin 2012.

Ai më pas iu bashkua Montpelier sezonin pas triumfit të tyre të jashtëzakonshëm në Ligue 1, duke marrë pjesë kështu në Ligën e Kampionëve.

Ish-lojtari i kombëtares franceze U-21 qëndroi për nëntë vjet (325 ndeshje) dhe madje mbajti shiritin e kapitenit. Ai u transferua te Dijon në vitin 2021, duke i dhënë fund karrierës së tij futbollistike në vitin 2024.

Disa muaj më vonë, ai u emërua koordinator sportiv i Olympique Lyonnais si pjesë e një ndryshimi organizativ pas shkarkimit të ish-drejtorit sportiv të klubit, David Friio.