Pret të luajë për Manchester United

Rasmus Hojlund ka thënë për mediat në Danimarkë se pret të luajë për Manchester United edhe sezonin e ardhshëm.

Sulmuesi është përfolur shpesh për një largim nga “Old Trafford” këtë verë. Sipas “Sky Sports”, ekipi i Inter është i interesuar për nënshkrimin e tij, për ta rikthyer në Serie A, ku dhe mori famë.

Megjithatë, duke folur për TV2, sulmuesi Rasmus Hojlund tha: “Unë kam një kontratë me Manchester United (deri në qershor 2028, me opsion për një vit tjetër), kështu që pres të vazhdoj të luaj për Manchester United”.

“Mezi pres një pushim të vogël veror dhe më pas i jam përkushtuar plotësisht projektit të ri me trajnerin Amorim”, u shpreh sulmuesi 22-vjeçar, që nuk ka bindur 100% gjatë dy sezoneve në Premier League.