Babai i Yamal: Ka nga ata që duan të përfitojnë nga unë

Yamali ndiqet nga afër nga familja e tij, veçanërisht nga babai i tij, 33-vjeçari Mounir Nasraoui, për të cilin është folur shumë kohët e fundit për disa incidente që kanë ndodhur veçanërisht vitin e kaluar.

Nga goditja me thikë që pësoi në një parking deri te thirrja për bojkot gjatë ndeshjes Inter-Barcelona, ​​pa harruar momentin në të cilin ai zbuloi pagën e të birit në rrjetet sociale, duke zemëruar Barcelona-n.

Episode, veçanërisht këto të fundit që lidhen me anën sportive, të cilat në disa raste kanë provokuar edhe indinjatën e tifozëve. Gjatë transmetimit të tij live në Instagram në orët e fundit, megjithatë, burri zbuloi se vuan nga epilepsia dhe kërkoi respekt për komentet ofenduese që merr. “Unë jam një baba epileptik që kam vuajtur për shumë vite”.

Nasraoui vazhdoi gjatë transmetimit të tij live: “Ajo që duhet të bëni është të më respektoni”, deklaroi ai me forcë. “Vuaj nga epilepsia, duhet të marr pesë pilula në ditë. Le të shohim si do të ndiheni nëse keni marrë një nga pilulat e mia”.

Më pas shtoi: “Kërkoj respekt sepse askush nuk i ka trajtuar kurrë të tjerët me mungesë respekti. Ndonjëherë, ndërsa ecja në rrugë, më kanë grabitur shumë herë. Për shkak të sëmundjes sime, njerëzit përfitojnë nga unë”, iu përgjigj babai i Lamine Yamal njërit prej më shumë se 1.5 milion ndjekësve të tij në Instagram.