Gjyqtarë me kamera në trup dhe VAR i hapur në stadium

FIFA ka njoftuar një sërë masash që do të prezantojë në Kupën e Botës për Klube, e cila fillon këtë javë. Qëllimi: të përmirësohet përvoja e tifozëve brenda stadiumeve dhe në shtëpi, si dhe të forcohet transparenca në ndeshjet më të diskutueshme.

VENDIMET E VAR-it NË EKRANET E MËDHA – Në këtë mënyrë dhe me kusht që VAR-i të jetë i aktivizuar, tifozët në stadium do të jenë në gjendje të ndjekin drejtpërdrejt këto vlerësime të gjyqtarëve.

Si? Është shumë e thjeshtë: tifozët do të jenë në gjendje të shohin saktësisht atë që sheh gjyqtari në monitorin në zonën e vlerësimit kur ai vlerëson një ose më shumë momente të dyshimta nga loja. Imazhet do të shfaqen drejtpërdrejt në ekranet gjigante të stadiumit.

Qëllimi nuk është gjë tjetër veçse të jetë edhe më transparent, në mënyrë që vendimet e marra të kuptohen më mirë. Mjaft më me paqartësi!

KAMERA TRUPORE PËR GJYQTARËT – Është testuar në disa liga dhe madje edhe në disa miqësore, por do të jetë një dukuri e zakonshme në Kupën e Botës për Klube.

Gjyqtarët do të mbajnë kamera në trup gjatë ndeshjes, për të përmirësuar përvojën si për tifozët brenda stadiumit, ashtu edhe për ata në shtëpi, pasi këto imazhe do të përdoren drejtpërdrejt nga kanalet televizive. FIFA do të nxjerrë përfundime nga përvoja e kësaj mase dhe nuk përjashtohet që ajo të përdoret në më shumë aktivitete.

POZICIONI JASHTË LOJE GJYSMË AUTOMATIK – U zbatua në Kupën Ndërkontinentale 2024 të mbajtur në Katar midis Realit dhe Paçukës. U zbatuan edhe në disa turne të të rinjve të FIFA-s. Tani, teknologjia e re gjysmë e automatizuar për zbulimin e pozicionit jashtë loje do të përdoret në Kupën e Botës për Klube. Me ndihmën e kamerave të shumta, një sensori topi dhe inteligjencës artificiale, sistemi do të gjurmojë pozicionin e lojtarëve dhe të topit.