Ukraina publikon një video të re rreth ‘operacionit me dronë’, shkatërroi 41 aeroplanë ushtarakë në katër aeroporte ruse

Shërbimi i Sigurisë i Ukrainës ka publikuar një video të re rreth operacionit special “Pavutina” (Rrjeta e Merimangës), i cili rezultoi në shkatërrimin e 41 aeroplanënve ushtarakë në katër aeroporte ruse.

Sipas Ukrinform, kjo u raportua nga SSU.

“SSU godet dhe do të godasë armikun edhe aty ku ai e konsideron veten të paprekshëm! Ne po punojmë për ta befasuar atë me surpriza të reja. Jo më pak të dhimbshme se Operacioni Rrjeta e Merimangës”, citohet të ketë thënë shefi i SSU-së, Gjeneral-lejtnant Vasyl Maliuk.

Operacioni special ishte një përgjigje ndaj sulmeve masive me raketa në qytetet, spitalet dhe infrastrukturën energjetike të Ukrainës.

Ky plan u mbikëqyr drejtpërdrejt nga kreu i SSU-së në emër të Presidentit të Ukrainës, Komandantit Suprem Volodymyr Zelensky, dhe operacioni special u përgatit në kushte sekreti maksimal.

Së pari, SSU transportoi dronë FPV në Rusi, dhe më pas shtëpi modulare prej druri. Pasi mbërritën në Rusi, dronët u fshehën nën çatitë e shtëpive, të cilat u vendosën në kamionë.

Në momentin e duhur, çatitë e shtëpive u hapën nga distanca dhe dronët fluturuan për të goditur objektivat e tyre – bombarduesit rusë.

Dhe pamjet e publikuara tregojnë kronologjinë e ngjarjeve: si u përgatit dhe u krye një nga sulmet më të mëdha thellë pas vijave të frontit.

Siç raportohet, më 1 qershor, SSU kreu një operacion special unik për të goditur njëkohësisht katër aeroporte ushtarake në prapavijë të Federatës Ruse: Olenia, Ivanovo, Diagilevo dhe Belaia.

Aviacioni strategjik rus, i cili bombardon rregullisht qytetet ukrainase, ishte i vendosur atje.

Ndërkohë, kostoja e vlerësuar e pajisjeve të shkatërruara si rezultat i operacionit special të SSU tejkalon 7 miliardë dollarë amerikanë.

Humbjet totale të Forcave Ajrore Ruse arrijnë në 41 njësi, duke përfshirë A-50, Tu-95, Tu-22, Tu-160, si dhe aeroplanë An-12 dhe Il-78.