Dy shantazhuesit e Heung-min Son, pritet të gjykohen

Vjen fundi i një çështjeje për Heung-Min Son.

Dy persona u akuzuan të mërkurën për shantazh dhe tentativë shantazhi kundër kapitenit të Tottenham, njoftuan prokurorët e Koresë së Jugut.

Të dyshuarit janë një grua në të njëzetat, me mbiemrin Yang, ish-e dashura e dyshuar e futbollistit, dhe një burrë në të dyzetat, Yong.

Ata kanë qenë në paraburgim policor që nga arrestimi i tyre në maj.

Të dy janë "akuzuar zyrtarisht dhe do të gjykohen ndërsa janë në paraburgim", tha një zëdhënës i zyrës së prokurorit për AFP-në.

Ata dyshohen se janë përpjekur të zhvatin 300 milionë won (191.000 euro) nga sulmuesi 32-vjeçar, duke pretenduar se Yang ishte shtatzënë me futbollistin dhe duke kërcënuar se do ta bënte publike shtatzëninë e saj, sipas agjencisë së lajmeve Yonhap.

Prokurorët besojnë se Yang më pas u përpoq t’i zhvaste lojtarit edhe 70 milionë won (45.000 euro) këtë vit, me ndihmën e Yong, me të cilin ajo kishte një lidhje romantike, sipas agjencisë së lajmeve të Koresë së Jugut.

Futbollisti refuzoi ta paguante këtë shumë dhe ngriti një padi kundër dy shantazhuesve të tij.

Pasi mbërriti te Tottenham Hotspur në vitin 2015, Heung-min Son fitoi Europa League kundër Manchester United më 21 maj, pavarësisht se Spurs nuk kishin fituar një titull të madh që nga viti 2008.