Tuchel: Qëndrimi i Bellingham ndonjëherë mund të duket i neveritshëm

Anglia humbi 3-1 në miqësoren kundër Senegalit, një performancë zhgënjyese që shkaktoi kritika. Jude Bellingham hyri në fushë në minutën e 71-të në vend të Declan Rice, por nuk arriti të ndryshonte rrjedhën e ndeshjes.

Ndër më kritikët pas ndeshjes ishte trajneri Thomas Tuchel, i cili komentoi hapur qëndrimin e mesfushorit të Real Madridit në fushë.

“Bellingham është një lojtar me zjarr brenda tij, dhe kjo është mirë. Por ky zjarr mund të jetë gjithashtu frikësues nëse nuk kontrollohet”, shpjegoi Tuchel.

“Ndonjëherë ai tregon zemërim, uri, pasion… por në një mënyrë që mund të jetë e tepruar. Nëna ime, për shembull, e ka të vështirë ta shohë atë si djalin e sjellshëm dhe të edukuar që njoh, dhe ndonjëherë qëndrimi i tij mund të duket i neveritshëm”.

Trajneri gjerman më pas nënvizoi se si personaliteti i Bellingham, ndonëse është një pikë e fortë, duhet të udhëhiqet: “Ai duhet ta kanalizojë atë pasion drejt kundërshtarit, drejt objektivit tonë, që është të fitojmë. Ai nuk duhet t’i frikësojë shokët e ekipit ose të krijojë tension në fushë. Ai po punon për këtë, dhe ne me të”.