Tri nënshkrimet që Xabi Alonso ia kërkon Real Madridit pas Kupës së Botës për Klube

Me synimin e tij të vendosur për të konsoliduar një projekt fitues që nga viti i parë, Xabi Alonso i ka bërë të qarta prioritetet e tij për Real Madridin sapo të përfundojë pjesëmarrja e klubit në Kupën e Botës për Klube.

Trajneri bask ka kërkuar tre përforcime specifike nga bordi që ai i konsideron thelbësore për të ndërtuar një ekip të përshtatur sipas nevojave të tij: një mbrojtës të majtë, një mesfushor të ‘mençur’ dhe një sulmues që mund të dominojë zonën e penalltisë së kundërshtarit.

Mediumi spanjoll Fichajes ka zbuluar emrat dhe profilet e lojtarëve të mundshme.

I pari në listë është Alvaro Carreras, një lojtar që Alonso e konsideron çelës për forcimin e krahut të majtë. Lojtari i Benficas ka tërhequr vëmendjen e stafit trajner të Real Madridit për fizikalitetin e tij, ndërgjegjësimin taktik dhe aftësinë sulmuese.

Negociatat me klubin portugez kanë qenë komplekse, por Real Madridi po e mban marrëveshjen të hapur me shpresën për ta mbyllur atë pas turneut ndërkombëtar.

Kërkesa e dytë shkon drejtpërdrejt në zemër të ekipit: një mesfushor krijues. Me largimet e Toni Kroos dhe Luka Modric, Los Blancos kanë humbur dy shtylla të organizimit të lojës së tyre.

Xabi dëshiron një zëvendësues që jo vetëm siguron vazhdimësi në posedim të topit, por gjithashtu ka personalitetin për të diktuar ritmin në ndeshjet e mëdha.

Së fundmi, trajneri i lindur në Tolosa beson se është thelbësore të sjellë një qendërsulmues me prani në zonë.

Ante Budimir është lidhur si një opsion që i përshtatet profilit të dëshiruar: një numër 9 me një talent për gol, aftësinë për të bllokuar mbrojtësit dhe për të krijuar raste të dyta.

Vera po parashikohet të jetë një periudhë e ngjeshur në Valdebebas.

Xabi Alonso dëshiron të lërë gjurmë që nga fillimi dhe emrat që ka paraqitur tregojnë se ai po kërkon një ekip të ekuilibruar, të fuqishëm dhe të gjithanshëm për të mbretëruar përsëri në Evropë.