Ambasada e Izraelit në Berlin mbyllet për shkak të tensioneve në Lindjen e Mesme

Ambasada e Izraelit në Berlin është mbyllur të premten për shkak të përshkallëzimit të situatës në Lindjen e Mesme dhe do të qëndrojë e mbyllur deri në njoftimin e ardhshëm, njoftoi një punëtor i ambasadës për agjencinë Reuters.

Kjo ndodh pas paralajmërimeve nga Shtetet e Bashkuara, të cilat zhvendosën pjesë të stafit të ambasadave të tyre në Irak dhe vende të tjera të rajonit, duke u përgatitur për një mundësisht eskalim të mëtejshëm të tensioneve.

Kryeministri izraelit Benjamin Netanyahu ka deklaruar se sulmet ndaj Iranit do të vazhdojnë derisa të arrihen objektivat ushtarake, ndërsa raportohet se disa komandantë të lartë ushtarakë dhe gjashtë shkencëtarë bërthamorë iranianë kanë humbur jetën nga sulmet izraelite.

Gjithashtu, është konfirmuar goditja e një qendre bërthamore dhe se Izraeli ka përgatitur me vite operacionin, duke ndërtuar madje edhe një bazë të fshehtë dronësh brenda territorit iranian.