Juventusi zgjidh zyrtarisht çështjen e trajnerit

Klubi i Juventusit ka komunikuar sot rinovimin e Igor Tudor si trajneri i skuadrës bardhezi.

Tekniku ishte në dyshim nëse do të qëndronte por në fund në klub kanë vendosur t’i besojnë atij drejtimin në ciklin e ri, duke firmosur marrëveshjen që zgjat deri në vitin 2027, me opsion edhe për një tjetër sezon.

“Entuziazëm. Karizëm. Juventinitet. Tre fjalë të thjeshta. Që megjithatë, përshkruajnë në mënyrë të përsosur atë që Igor Tudor ka qenë nga fundi i marsit deri më sot, që kur u bë trajner i Juventusit, dhe kujtojnë atë që trajneri kroat do të vazhdojë të jetë në të ardhmen.

Nga sot, në fakt, rinovimi i kontratës së tij është zyrtar. Tudor është lidhur me Klubin tonë deri më 30 qershor 2027 – me një opsion për vitin 2028 – dhe në sezonet e ardhshme ai do të drejtojë ekipin e parë të meshkujve, duke filluar nga ndeshja e parë zyrtare që do të mbahet në Shtetet e Bashkuara, Kupa e Botës për Klube FIFA.

Lidhja e tij me ngjyrat tona është bërë edhe më e fortë, gjithashtu dhe mbi të gjitha falë rrugës së ndjekur në kampionatin e fundit që çoi në arritjen e kualifikimit për edicionin e ardhshëm të Ligës së Kampioneve. Një rrugë që filloi me një fitore në shtëpinë tonë, “Allianz Stadium”, kundër Xhenoas dhe përfundoi me një tjetër fitore shumë të çmuar, atë të arritur në fushën e Venecias në ditën e fundit. Disa muaj më parë fija e historisë së Igor Tudor me Juventusin u rilidh, tani e presin faqe të reja për të shkruar. Lajmi i mirë është se do të vazhdojmë ta bëjmë së bashku”, shkruhej në njoftimin e Juventusit.