Ajeti te Shkëndija

Mbrojtësi i ri vjen pas një sezoni pozitiv me FC Shkupin, ndërsa firmos kontratë me kuqezinjtë.

KF Shkëndija ka kënaqësinë të njoftojë angazhimin e futbollistit Numan Ajeti. Shtatëlarti kaloi me sukses testet mjekësore, pas çka ka firmosur kontratë me klubin tonë.

"Ajeti, 19 vjeç, është një mbrojtës i krahut të majtë me potencial të madh, i cili njëkohësisht mbulon edhe pozicionin e qendërmbrojtësit. Te Shkëndija vjen pas një sezoni shumë pozitiv me skuadrën e Shkupit, ku ishte pjesë e formacionit bazë dhe tregoi stabilitet e pjekuri përtej moshës së tij.

Formë të mirë po dëshmon edhe në arenën ndërkombëtare, duke qenë pjesë e përfaqësueses U21 të Maqedonisë së Veriut.

Me këtë angazhim, KF Shkëndija vazhdon të ndërtojë për të ardhmen duke afruar talente të dëshmuar që sjellin cilësi dhe perspektivë në repartin defanziv.

Numan Ajetit i urojmë mirëseardhje në familjen kuqezi dhe suksese në fanellën e Shkëndijës", njofton KF Shkëndija.