Ekipi suedez i divizionit të tretë, ndryshon rregullin e pozicionit jashtë loje

A është Suedia vendi i pozicionit jashtë loje?

Ndërsa rregulli "Ligji i Wengerit" po testohet në turnetë e të rinjve në Itali dhe në vendin skandinav, një ekip i vogël suedez ka sfiduar Rregullin 11 të IFAB-it, organi qeverisës i futbollit që përcakton dhe zhvillon rregullat e lojës.

Torns IF, që luan në divizionin e tretë suedez, shqyrtoi një boshllëk në Rregullin 11 duke pyetur nëse një lojtar mund ta anashkalonte rregullin e pozicionit jashtë loje, duke e mbajtur topin në këmbën e tij?

Këmbëngulja e suedezëve e shtyu organin të pranonte situatën "zbavitëse" dhe të binte dakord të rishikonte formulimin e ligjit.

Pasimi me top të mbajtur nuk u ndalua, por u bë një sqarim në një shënim në rregullin e pozicionit të jashtë loje 11.2 për sezonin 2025-2026 në lidhje me një shembull të një pasimi "të vonuar".

"Pika e parë e kontaktit me topin përdoret për të përcaktuar nëse një lojtar është në pozicion jashtë loje.

Megjithatë, kur topi hidhet nga portieri, duhet të përdoret pika e fundit e kontaktit, pasi ajo ofron një pikë referimi më të qartë dhe më të qëndrueshme", u sqarua.

David Elleray, një ish-gjyqtar i Premier Ligës dhe drejtor teknik i IFAB, i shkroi Torns dhe falënderoi klubin "për pjesëmarrjen e tyre në këtë sqarim" dhe "për këmbënguljen e tyre të butë në këtë çështje".

Tim Neilsen i Torns tha se ishte "absolutisht fantastike që kishte kontribuar në rregullat e lojës së bukur", duke thënë se kjo mungesë qartësie nuk do të ekzistonte pa ndihmën e videos për gjyqtarët dhe nevojën për të vendosur një kohë specifike për pozicion jashtë loje.