Besim Rexha në rolin e ndihmës seleksionuesit

Maqedonia për grupmoshat e reja vazhdon përgatitjet për sfidat ndërkombëtare, ndërsa nga data 28 qershor deri më 8 korrik në qytetin e Shtipit do të zhvillohet grumbullimi i përfaqësueses kadete (U18), gjenerata 2007 dhe më të rinj.

Ky grumbullim zhvillohet si pjesë e përgatitjeve për Kampionatin Ballkanik të BVA-së, që do të mbahet nga 9 deri më 13 korr

ik në Banja Luka, Bosnjë dhe Hercegovinë.

Në këtë listë të publikuar nga seleksionuesi Dejan Stojanov, ndihmës i të cilit është trajneri nga Tetova, Besim Rexha, është përfshirë edhe talenti i Shkëndijës së Tetovës, Berin Osmani, i cili përfaqëson një nga elementët më premtues në pozicionin e pranuesit. Berin Osmani me paraqitjet e tij cilësore në radhët e Shkëndijës ka tërhequr vëmendjen e stafit teknik të përfaqësueses.

Tubimi i parë është caktuar më 28 qershor (e shtunë) në ora 18:00 në hotel “Oaza” në Shtip, ku ekipi do të qëndrojë deri më 8 korrik, për t’u zhvendosur më pas në Banja Luka, ku do të zhvillohen ndeshjet zyrtare të kampionatit ballkanik.