Burimi: Nëse Serbia njeh Kosovën, Vuçiq vritet nga Rusia

Analisti Genc Burimi ka komentuar përshkallëzimin e tensioneve mes Iranit dhe Izraelit, duke theksuar se Rusia ka linja të kuqe të qarta në lidhje me Iranin.

Sipas Burimit, Moska nuk do ta lejojë që regjimi iranian të bjerë dhe do të mbrojë interesat e tij, ashtu siç ka bërë në Serbi, Bosnje-Hercegovinë, Venezuelë dhe Kiev.

Ai e cilëson Iranin si një “linjë të kuqe” për Rusinë, në të njëjtën mënyrë si Serbia, duke nënvizuar se Rusia është e gatshme të ndërhyjë për të mbajtur regjimet që mbështet.

Burimi ka shtuar se një revolucion në Iran mund të ishte e vetmja mundësi për të rrëzuar regjimin aktual, por ai theksoi se kjo është një mundësi shumë e largët.

“Të gjithë “fërkojnë barkun” që Irani të mos ketë bombë bërthamore, përfshirë edhe Rusia. Rusia nuk do lejojë që regjimi iranian të bjerë, nuk do e lejojë as për në Serbi, as në Bosnje Hercegovine, as në Venezuelë, dhe Kiev. Rusia ka linja të kuqe, dhe për mua Irani është një linje e kuqe si Serbia.

Edhe Vuçiq në Serbi, po të njohë Kosovën, Rusia e vret, Rusia nuk të fal. Nuk besoj se mund të bjerë regjimi iranian, vetëm nëse ndodh një revolucion iranian dhe këtu luhet gjithçka.

Nëse Irani ekzagjeron me sulme dhe nga këto sulme vriten civilë, mund të ndodhë që populli iranian ti kthehet kundër”, tha Genc Burimi në Euronews Albania.