Cafu: Ndoshta nuk do ta kuptojmë

 Ish-lojtari brazilian Cafu ka folur për situatën aktuale te Milani, ekipi për të cilin luajti, në Gazzetta dello Sport.

Ish-mbrojtësi i djathtë, i cili fitoi Kupën e Botës me Brazilin, aludoi për ardhjen e mundshme të Modric në Milan. 

Kroati do të largohet nga Real Madridi pas Kupës së Botës për Klube, dhe në Itali, thonë se destinacioni i tij i radhës do të jetë Milani.

"E pashë disa ditë më parë, por nuk më pyeti asgjë për jetën në Milano", qeshi Cafu, menjëherë pas kësaj duke e marrë praktikisht si të mirëqenë mbërritjen e Modricit në ekipin italian.

“Ai është një transferim... nga Milani, të cilët kanë nënshkruar me disa lojtarë me përvojë në të kaluarën që e kanë futbollin në gjak”, tha Cafu, duke shtuar për Modricin se

“Luka është një lider i lindur dhe një ish-fitues i “Topit të Artë”: ai e lëviz topin si pak të tjerë në botë dhe për të mosha nuk ka rëndësi.

Ndoshta nuk do ta kuptojmë, por ish-kapiteni i Real Madridit vjen si një djalë me një valixhe plot me tituj”.

Luka Modriç, i cili do të mbushë 40 vjeç në shtator, ndodhet tani në Shtetet e Bashkuara për të luajtur me Real Madridin në Kupën e Botës për Klube.

Do të jetë gara e tij e fundit me Real Madridin, të cilën do ta lërë pas këtij turneu të FIFA-s.

Edhe pse kishte zëra se ai mund të përfundonte në MLS në Shtetet e Bashkuara, Modriç dëshiron të qëndrojë në Evropë, me një ekip të nivelit të lartë për tu përgatitur për Kupën e Botës të vitit të ardhshëm, dhe duket se ky ekip do të jetë AC Milan.