Taremi do të largohet, vijnë Bonny dhe Hojlund

Cristian Chivu-t, i cili do të debutojë në stolin e zikaltërve pas pak ditësh, dëshiron dhe ka nevojë të ndryshojë stilin e sulmit dhe tashmë e gjen veten në një emergjencë të plotë sulmuese.

Pas lamtumirave të Arnautovic dhe Correa-s, me këtë të fundit që luan në Amerikë, por me fanellën e Botafogo-s, dje erdhi lajmi për mungesën e Mehdi Taremi-t.

Ish-sulmuesi i Portos është bllokuar në Teheran pas mbylljes së hapësirës ajrore mbi Iranin për shkak të përshkallëzimit të luftës me Izraelin dhe për këtë arsye nuk ka mundur të arrijë te Interi në Shtetet e Bashkuara.

Një situatë delikate, e cila shkon përtej çështjes sportive, që duhet monitoruar me kujdes. Me ndikim në të tashmen, por edhe plot pasoja për të ardhmen: Taremi ka shumë të ngjarë të largohet nga Interi në këtë seancë transferimesh dhe për të klubi zikaltër është gati të marrë në konsideratë çdo zgjidhje që mund ta lehtësojë situatën.

Përveç Taremi, Chivu nuk do ta ketë në dispozicion Francesco Pio Esposito-n, i cili ende nuk është aktivizuar për shkak të një dëmtimi të pësuar kundër Spezia-s, dhe Marcus Thuram i cili nuk është stërvitur ditët e fundit. Por, pavarësisht se çfarë ndodh në Amerikë, ku Chivu do të detyrohet të nxjerrë në fushë dyshen Sebastiano Esposito-Lautaro Martinez në debutimin e tij kundër Monterrey-t, objektivi i Interit në treg është të forcojë repartin ofensiv.

Gola alternativë janë të nevojshëm për Thu-La, pasi Inzaghi u detyrua të shtrydhte dy sulmuesit e tij titullarë sezonin e kaluar duke pasur parasysh performancat zhgënjyese të Arnautovic, Correa dhe Taremi. Objektivi i parë i zikaltërve – siç raportohet nga La Gazzetta dello Sport – është gjithmonë Rasmus Hojlund, duke lënë Manchester United që ëndërron për Viktor Gyokeres.

Djajtë e Kuq tashmë kanë hapur mundësinë për shitjen e ish-lojtarit të Atalantës, i cili po shtyn përpara të kthehet në Itali dhe të veshë fanellën e Interit, me një kërkesë shumë specifike prej 45 milionë eurosh për Hojlund.

Objektivi tjetër, siç e dimë, është Bonny i Parmës. Sulmuesi francez në këtë pikë nuk është më alternativa ndaj Hojlund, por mund/duhet të jetë sulmuesi i dytë që arrihet në fushatën e transferimeve të kësaj vere.