Florian Wirtz do të kompletojë transferimin te Liverpooli të premten

Liverpool është pranë finalizimit të transferimit të mesfushorit gjerman Florian Wirtz nga Bayer Leverkusen, me lojtarin që pritet të kryejë vizitat mjekësore ditën e premte.

22-vjeçari pritet të mbërrijë në Mbretërinë e Bashkuar brenda kësaj jave për të përfunduar kalimin e tij te kampionët në fuqi të Ligën Premier.

Marrëveshja mes dy klubeve thuhet se arrin vlerën e 136.3 milionë eurove, duke përfshirë bonuse të mundshme, çka do ta bënte transferimin më të shtrenjtë në historinë e Liverpoolit dhe futbollit britanik.

Leverkusen fillimisht kishte vendosur një çmim prej 150 milionë eurosh, por pas negociatave, palët ranë dakord për 117.5 milionë euro paraprakisht dhe 18.8 milionë euro në formë bonusesh.

Wirtz kishte zgjuar interesimin e disa klubeve të mëdha evropiane, përfshirë Bayern Munich, por lojtari mësohet se preferoi një kalim te Liverpooli.

Në sezonin e fundit me Leverkusenin, ai ka qenë vendimtar me 18 gola dhe 20 asistime, duke ndihmuar klubin të fitojë titullin e parë në historinë e tij në Bundesliga.

Ky është largimi i dytë i madh nga Leverkusen këtë verë pas atij të Jeremie Frimpong, i cili po ashtu iu bashkua Liverpoolit. Klubi gjerman ndërkohë ka emëruar Erik ten Hag si trajner të ri, pas largimit të Xabi Alonsos drejt Real Madridit.