Xhaka futë në ‘luftë’ dy gjigantët evropianë të futbollit

Mesfushori i njohur shqiptar, Granit Xhaka, ndodhet sërish në qendër të vëmendjes në këtë merkato verore. Pas një sezoni të jashtëzakonshëm me Bayer Leverkusen, ku fitoi Bundesligën dhe Kupën e Gjermanisë, disa klube të mëdha evropiane kanë shprehur interes konkret për ta afruar atë.

Sipas raportimeve nga mediat italiane dhe britanike, AC Milan është seriozisht i interesuar për shërbimet e 32-vjeçarit. Trajneri Max Allegri thuhet se e konsideron Xhakën si një përforcim kyç për rikonstruktimin e mesfushës dhe për t’i dhënë skuadrës përvojë dhe lidership.

Një tjetër klub që ka hyrë në garë është Galatasaray, i cili besohet të ketë bërë një ofertë zyrtare për Xhakën. Megjithatë, Bayer Leverkusen e ka refuzuar këtë ofertë, duke e bërë të qartë se lojtari është pjesë e pandashme e projektit të tyre. Xhaka ka kontratë të vlefshme deri në vitin 2028 dhe është konsideruar shtyllë e sistemit të trajnerit Xabi Alonso.

Gjatë një eventi në qytetin e tij të lindjes, Basel, Xhaka ndezi spekulimet pas një deklarate emocionale: “Një Xhaka largohet, por një tjetër shumë shpejt do të jetë këtu”. Edhe pse tifozët u entuziazmuan për një rikthim të mundshëm, drejtuesit e FC Basel kanë sqaruar se aktualisht nuk ka bisedime konkrete. Megjithatë, një rikthim sentimental në fund të karrierës mbetet mundësi reale, raporton kp.

Pavarësisht ofertave, qëndrimi në Leverkusen shihet si skenari më realist për momentin. Xhaka ka pasur një sezon të shkëlqyer dhe mbetet një nga lojtarët më të rëndësishëm të skuadrës gjermane. Vetëm një ofertë e madhe ekonomike mund ta detyrojë klubin të ndryshojë qëndrim.