Drejtuesit e klubit italian kërkuan ndryshimin e ndeshjes pas helmimit të djeshëm

Dje 21 anëtarë të klubit të Salernitanës u helmuan për shkak të orizit të paketuar që konsumuan në avion. Drejtuesit e klubit kërkuan shtyrjen e ndeshjes së kthimit me Sampdoria e cila ishte e planifikuar për të premten, 20 qershor.

Sot kjo kërkesë iu është aprovuar dhe dueli do të zhvillohet të dielën, më 22 qershor, me fillimin e caktuar për në orën 20:30.

Njoftimi për shtyp:

“Presidenti i Ligës Kombëtare Profesionale B,

▪ pasi pranoi kërkesën e marrë nga US Salernitana 1919 Srl më 16 qershor 2025;

▪ pasi pranoi dokumentacionin mjekësor-shëndetësor të prodhuar nga strukturat spitalore të përfshira dhe të bashkangjitur kërkesës së lartpërmendur, si dhe ankesën e dërguar në Zyrën e Prokurorit Publik në Gjykatën e Gjenovës dhe të bashkëngjitur në mënyrë të ngjashme;

▪ pasi dëgjoi anëtarin e LNPB brenda Komisionit Federal Mjekësor-Shkencor;

▪ pasi dëgjoi FIGC dhe duke marrë parasysh CC.UU. 307 të 27 majit 2025 dhe 321 të 12 qershorit
2025;

▪ pasi mori parasysh nenin 27.2 të Statutit të LNPB;

▪ si një modifikim i pjesshëm i CU LNPB nr. 226 të 11 qershorit të kaluar;
parashikon që programi i ndeshjes së kthimit të Play-Out të Kampionatit Serie BKT 2024/2025 të ripërcaktohet si më poshtë:

E diel, 22 qershor 2025, ora 20:30 SALERNITANA – SAMPDORIA
(në vend të së premtes, 20 qershor 2025, ora 20:30)”.