Ronaldo befason me diçka

Cristiano Ronaldo, një nga sportistët më të disiplinuar në botë, është vënë sërish në qendër të vëmendjes, këtë herë për një zakon paksa të pazakontë: lyerjen e thonjve të këmbëve. Sipas gazetës gjermane BILD, 39-vjeçari e bën këtë për arsye higjienike dhe mbrojtëse, për të shmangur bakteret dhe kërpudhat që krijohen nga djersa në këpucë dhe çizme.

Ky zakon nuk është i pazakontë mes sportistëve profesionistë, veçanërisht në boks, MMA dhe atletikë. Mike Tyson dhe Israel Adesanya kanë ndjekur të njëjtën praktikë gjatë karrierës së tyre.

Përveç këtij zakoni, Ronaldo mbetet shembull i përkushtimit ekstrem ndaj shëndetit dhe formës fizike. Ai përdor gjithashtu unazën inteligjente “Oura Ring”, e cila monitoron gjumin, temperaturën, ritmin e zemrës dhe aktivitetin fizik, pjesë e një rutine që përfshin pesë sy gjumë në ditë.

Edhe në moshën 40-vjeçare, Ronaldo vazhdon të shkëlqejë në fushë, duke shënuar gola dhe udhëhequr Portugalinë drejt suksesit, siç bëri së fundmi në Ligën e Kombeve.