CEO i Al-Hilalit konfirmon bisedimet me yllin e Realit

Drejtori Ekzekutiv i Al-Hilal, Esteve Calzada, ka konfirmuar se Arabia Saudite ka zhvilluar bisedime me Vinicius Junior lidhur me një transferim të mundshëm në Lindjen e Mesme.

Superylli i Real Madridit pritet gjerësisht që të nënshkruajë një kontratë të re me “Los Blancos” këtë verë.

Kontrata aktuale e Viniciusit skadon në vitin 2027, dhe që verën e kaluar ka pasur zëra për një rinovim të saj.

Real Madridi ka qenë i interesuar ta zgjaste kontratën, por Vinicius i ka shtyrë bisedimet, ndërkohë që thuhet se ka zhvilluar kontakte me Arabinë Saudite për një transferim të mundshëm, ku janë përmendur shifra si kontratë prej 1 miliard eurosh dhe një tarifë transferimi prej 300–400 milionë eurosh.

Megjithatë, në mars, u raportua se Vinicius ka rënë dakord të rinovojë me Real Madridin — edhe pse nga kampi i tij është bërë e ditur se marrëveshja ende nuk është zyrtarizuar.

Duke folur për Cadena SER, Calzada tha se Arabia Saudite beson se është në gjendje të realizojë çdo transferim në këtë moment.

“Po japim gjithçka nga vetja sepse e dimë që kemi mjetet për të bindur cilindo, jo vetëm me para,” deklaroi Calzada.

Sidoqoftë, ai pranoi se ka shumë zëra që nuk kanë bazë reale, dhe se agjentët shpesh përdorin interesin e supozuar të Arabisë Saudite për të përmirësuar pozicionin e tyre në negociata.

Calzada shtoi se CEO i Ligës Saudite ka zhvilluar bisedime me disa ekipe, dhe se nuk do të befasohej nëse Vinicius do të transferohej atje.

Megjithatë, sa i përket vetë klubit të Al-Hilal, Calzada sqaroi se “nuk ka asgjë konkrete” me Viniciusin aktualisht.

Ai gjithashtu përmendi ndikimin e Cristiano Ronaldos në bindjen e lojtarëve për të kaluar në Arabinë Saudite, ndërsa periudhën e Neymar Junior te Al-Hilal e përshkroi si “të pafat”, por jo si një gabim që ata e kanë pënduar.

Kjo pavarësisht kostos së raportuar prej 302 milionë eurosh për qëndrimin 18-mujor të brazilianit, gjatë të cilit ai luajti vetëm shtatë ndeshje.