Bayerni kërkon fitoren e dytë radhazi

Thomas Muller duket në formë të mirë dhe në humor të mirë në këto ditë të para të Kupës së Botës për Klube.

Ai thjesht nuk mund ta linte pa e bërë këtë asist: “Jemi vërtet të emocionuar”, u përgjigj legjenda e bavarezëve me të qeshur pas fitores 10-0 kundër Okland Sitit, kur u pyet nëse mezi prisnin të luanin kundër Boka Xhuniors.

Shakaja ishte si një asist për një gjuajtje “pa portier” dhe menjëherë ai shpjegoi pse ishte kaq i emocionuar që do të luante kundër gjigantëve argjentinas.

“Të luash kundër Bokas në Majami është vërtet e veçantë. Atmosfera do të jetë edhe më e nxehtë edhe më interesante. Mezi pres dhe do ta shohim pjesën tjetër”. Boka, në fakt, është tjetër kalibër. Një kundërshtar që, në terma sportivë, ndoshta renditet i treti në grup, por tifozët e të cilit të apasionuar do të krijojnë një atmosferë të shkëlqyer.

Dhjetëra mijëra amerikanojugorë jetojnë në Majami dhe mbështesin ekipin kryesor argjentinas – kështu që atmosfera ka të ngjarë të jetë e nxehtë, e zhurmshme dhe pasionante. Kjo është arsyeja pse edhe trajneri Vinsent Kompani e pret me padurim ndeshjen.

“Ndeshja e radhës kundër Boka Xhuniors do të jetë kulmi i fazës së grupeve.

Është një përballje e vërtetë klasike – një klub tradicional evropian i nivelit të lartë takohet me një klub legjendar nga Amerika e Jugut – tha ai me entuziazëm – Edhe nëse nuk do të isha trajner i Bajernit, patjetër që do të doja ta shikoja këtë ndeshje. Premton të jetë diçka shumë e veçantë”. FIFA – Por nuk është vetëm Bajerni që mezi pret ndeshjen.

Sipas “TZ”, ndeshja shihet me mjaft interes edhe nga vetë FIFA, organizatorja e Kupës së Botës për Klube. Pasi ndeshja hapëse e turneut në Majami, si dhe ndeshja e parë e ekipit të Mynihut në Sinsinati, gjeneruan pak entuziazëm, dueli midis Bokës dhe Bajernit në metropolin e Floridës më në fund pritet të jetë një sukses i vërtetë edhe për sa i takon shitjes së biletave.