Palmer merr fanellën me numrin 10 te Chelsea

Sulmuesi i Chelsea, Cole Palmer, ka vendosur të mos mbajë më numrin 20 në fanellë, por ka zgjedhur numrin 10.

Anglezi kërkoi të vishte fanellën e lënë të lirë në këtë Kupë të Botës për klube nga shoku i tij i skuadrës Mudryk dhe e veshi atë për herë të parë në fitoren 2-0 të Chelsea ndaj Los Angeles FC.

Palmer shpjegoi se ende nuk ka folur për këtë ndryshim me shokun e tij ukrainas, por se do ta bëjë këtë “kur të jetë koha e duhur”. Mudryk aktualisht ka gjëra të tjera në mendjen e tij, duke pasur parasysh akuzën për shkeljen e antidopingut dhe rrezikun e një pezullimi prej katër vitesh.

Duke folur në një konferencë për shtyp, Palmer shpjegoi: “Kam veshur numrin 10 gjatë gjithë jetës sime dhe më pëlqen shumë numri. Është një numër ikonë, më bën të mendoj për Messin dhe Rooney.”

Më tej, Palmer kujton një ngjarje. Gjatë kohës së tij në akademinë e Manchester City, Palmer i dërgoi një mesazh privat anësorit belg Eden Hazard, një ish-lojtar që mbajti numrin 10 te Chelsea, por nuk mori asnjë përgjigje.

Palmer tha se Hazard ende nuk i ishte përgjigjur mesazhit të tij, por shtoi: “E kam takuar atë disa herë në terrenin stërvitor. Ai më kërkoi një bluzë për djemtë e tij“.