Guardiola: Sezon negativ

Në prag të ndeshjes së dytë të Kupës së Botës për Klube kundër Al Ain, trajneri i Manchester Cityt, Pep Guardiola, foli për ndikimin që fitorja e kompeticionit mund të ketë në vlerësimin e sezonit që sapo përfundoi.

“E kam thënë shumë herë se sezoni nuk ka qenë i mirë.

Fitimi i Kupës së Botës për Klube nuk do ta ndryshojë këtë. Qëllimi im tani nuk është të fitoj garën, por të zgjas qëndrimin tonë këtu.

Tani që jemi këtu, dua të bëj më të mirën time”.

“Dua ta shijoj këtë moment, sepse arrin në këtë pikë vetëm një herë në katër vjet…

Dhe dua të shkoj sa më larg që të mundem”.