Manchester United planifikon ofertë për sulmuesin që shpërtheu këtë sezon në Serie A

Moise Kean ka pasur një sezon të shkëlqyer me Fiorentinën, duke shënuar 19 gola në Serie A dhe duke u rikthyer në qendër të vëmendjes.

Forma e tij e lartë ka ngjallur interesin e disa klubeve të mëdha evropiane, përfshirë Manchester United.

Klubi anglez po konsideron seriozisht një lëvizje për sulmuesin 25-vjeçar gjatë afatit kalimtar veror.

Kontrata e Kean me Fiorentinën përfshin një klauzolë lirimi prej 52 milionë eurosh, e cila është aktive deri në mes të korrikut.

Ndërkohë, vetë lojtari është i hapur për të qëndruar në Firence, ku është vlerësuar për kontributin e tij.

Megjithatë, një kalim te Manchester United shihet si një mundësi e veçantë që mund ta tundojë reprezentuesin italian i cili edhe më parë ka qenë pjesë e Ligës Premier, duke veshur fanellën e Evertonit.

Tashmë pritet të shihet nëse United do të ndërmarrë hapa konkretë për të realizuar transferimin.