FIFA lejon afatin kalimtar nga 27 qershori deri në 3 korrik

Tregu i transferimeve të futbollistëve do të jetë protagonist edhe gjatë Kupës së Botës për Klube.

Pas sesionit së dedikuar në dhjetë ditët e para të qershorit për t’u lejuar ekipeve të bëjnë përforcime në prag të fillimit të turneut, FIFA ka vendosur të krijojë një “dritare” të dytë për t’u lejuar klubeve të kualifikuara për fazën finale të shtojnë përforcime të mëtejshme në skuadrat e tyre. Një dritare që do të zgjasë nga e premtja, 27 qershor deri të enjten, 3 korrik.

Gjatë këtyre ditëve, klubet do të kenë mundësinë të “zëvendësojnë dhe shtojnë lojtarë brenda kufijve të caktuar dhe në kushte specifike, duke përfshirë që një “dritare standarde regjistrimi” duhet të jetë e hapur për klubin në fjalë në atë kohë”, siç thuhet në një deklaratë të lëshuar nga vetë FIFA më 21 maj.

Sa i përket Evropës, dritarja do të hapet më 1 korrik. Për më tepër, “qëllimi është të inkurajohen klubet dhe lojtarët me kontrata që skadojnë të gjejnë zgjidhje të përshtatshme për të lehtësuar pjesëmarrjen e lojtarëve. Kjo do të garantojë praninë e lojtarëve më të mirë dhe do t’u lejojë klubeve të integrojnë lojtarë të rinj edhe gjatë turneut”.

Siç u përmend, të gjitha ekipet e kualifikuara për fazën eliminatore të Kupës së Botës për Klube do të jenë në gjendje të zëvendësojnë një lojtar, kontrata e të cilit skadoi më 30 qershor me një tjetër të blerë gjatë afatit të dytë të transferimeve: siç do të ndodhë, për shembull, te Bayern Munich, me Leroy Sané, i cili nga 1 korriku do të jetë një lojtar i ri i Galatasaray.

Por kjo nuk është e gjitha: përveç kësaj, nga 27 qershori deri më 3 korrik do të jetë e mundur të bëhen ndryshime ose shtesa në listat e paraqitura tashmë për fazën e grupeve të garës.