Berat Gjimshiti refuzon paratë e mëdha për të mos lënë nivelet e larta

Berat Gjimshiti është lojtari i vetëm i Shqipërisë i cili në vitet e fundit ka mbajtur nivelet më të larta të futbollit europian. Talentet janë të shumtë, por askush prej tyre nuk po mban vazhdimësinë dhe kanë luhatje të frikshme.

I vetmi lojtar i klasit botëror te Shqipëria aktualisht është Berat Gjimshiti. 

Dhe nga Katari dëshirojnë që të marrin të vetmin element që Shqipëria ka sigurinë më të madhe.

Padyshim që për tifozët shqiptarë një kalim i tillë do të ishte zhgënjyes, por oferta e hedhur nga Al Rayyan nga Katari është shumë e madhe sa i përket rrogës dhe fitimeve personale për mbrojtësin tonë. 

Një interes që daton nga merkato e kaluar, por duket se edhe vetë Gjimshiti nuk dëshiron ende t’i ndahet niveleve të larta të futbollit.

Mbrojtësi shqiptar e ka refuzuar aktualisht ofertën dhe kërkon që të jetë ende pjesë e Atalantës, atje ku ka rolin e titullarit.