Suarez: Luis Enrique, një nga trajnerët më të rëndësishëm në karrierën time

Luis Suarez, sulmuesi i Inter Miamit, foli pas barazimit 2-2 kundër Palmeiras, i cili u lejoi amerikanëve të kualifikoheshin për raundin e 16-shes të Kupës së Botës për Klube, ku do të përballen me PSG-në e Luis Enriques:

“Për mua, Luis Enrique, së bashku me maestro Tabárez, ishte një nga trajnerët më të rëndësishëm në karrierën time.

E dimë sa e vështirë është të përballesh me kampionët e Ligës së Kampionëve.

Do të jetë një ndeshje shumë e vështirë, por ne kemi armët tona për të konkurruar. Duhet të korrigjojmë disa gabime që, në ndeshje si kjo, paguhen shtrenjtë”.