Dhurata e veçantë për 18-vjetor

Lamine Yamal gjithmonë ka treguar respekt për mikun e tij të ngushtë, Ansu Fati. Ai kurrë nuk është përpjekur të tërheqë vëmendjen ose të ushtrojë presion për të veshur fanellën me numrin 10, i cili ka një vlerë të fortë simbolike në botën e futbollit dhe në veçanti në historinë e Barcelonës.Por tani gjithçka është më e lehtë: me lamtumirën e afërt të Ansu Fati, i destinuar të bashkohet me Monakon në formë huazimi, talenti i ri do të ndalojë së veshuri numrin 19 dhe do të jetë pronari i ri i fanellës legjendare.

Ndryshe nga ajo që ndodhi në sezonin 2023/24, kur Barça preferoi të mos ia caktonte numrin pavarësisht huazimit të Ansu te Brajton, këtë herë klubi ka zgjedhur të kthejë faqe.

Dhe e bën këtë me bindje, me unanimitet të plotë për faktin se Lamine është tashmë gati të mbajë peshën dhe nderin e kësaj njohjeje.

Një zgjedhje që, thekson Mundo Deportivo, do të ketë edhe implikime ekonomike, me një bum të parashikueshëm në shitjet e fanellës së re, që do të dalë në shitje nga 2 korriku.

Megjithatë, njoftimi zyrtar do të vijë vetëm pak ditë më vonë, në ditëlindjen e 18-të të Lamines, më 13 korrik, një datë që do të përkojë me fillimin e sezonit të ri. Atë ditë, para familjes së tij, Lamine do të pozojë për herë të parë me fanellën me numër 10. Pas Maradonës, Ronaldinjos dhe Mesit, tani është radha e tij për të shkruar histori.