Bove pranë rikthimit në fushë, por ka një problem

Edoardo Bove është pranë rikthimit në futboll pas një ngjarjeje dramatike që ndodhi në shkurt, kur mesfushori i huazuar i Romës te Fiorentina u rrëzua papritur në fushë gjatë ndeshjes ndaj Interit, përcjellë KosovaPress.

Incidenti ndodhi më 6 shkurt, në minutën e 17-të të ndeshjes së shtyrë të Serie A në stadiumin “Artemio Franchi”, ku Bove humbi ndjenjat dhe u dërgua me urgjencë në spital. Zemra e tij kishte ndaluar për pak çaste, por u rikthye në funksion para se të transportohej me ambulancë.

Pas analizave të hollësishme, mjekët zbuluan një problem kardiak të padiagnostikuar më parë dhe i implantuan një defibrilator kardiak, i ngjashëm me atë që iu vendos Christian Eriksen pas rastit të tij në vitin 2021.

Sipas “Sky Sport Italia”, testet më të fundit kanë treguar se Bove është rikuperuar plotësisht dhe mund të lejohet të kthehet në fushë që nga sezoni i ardhshëm. Megjithatë, ai duhet të kalojë edhe disa kontrolle të tjera përpara se të marrë lejen përfundimtare për të luajtur.

Pavarësisht lajmit të mirë për gjendjen e tij shëndetësore, e ardhmja e Bove në futbollin italian mbetet e pasigurt.

strikte në Itali nuk lejojnë lojtarë me defibrilatorë të implantuar të garojnë në nivele të larta, çka e detyroi më herët edhe Christian Eriksen të largohej nga Interi. Për këtë arsye, ekziston mundësia që 23-vjeçari të transferohet jashtë vendit nëse dëshiron të vazhdojë karrierën e tij si profesionist.

Gjithsesi, rikuperimi i plotë i Bove përfaqëson një fitore të madhe personale për të dhe një shpresë për vazhdimin e rrugëtimit të tij sportiv.