Policia largon politikanin serb nga ‘Vidovdani’, Arsenijeviq nga arratia e shpërndan videon, thotë se “u arrestua” pse...

Politikani nga partia Demokracia Serbe, Stefan Velkoviq, është larguar nga hapësirat ku po mbahet manifestimi i Vidovdanit pas refuzimit të kërkesës së policisë që të lirojë hapësirat.

Ai kishte veshur një bluzë të liderit të partisë së tij, Aleksandar Arsenijeviq, ndërsa atje shkoi me një grup që mbanin në dorë flamurin e Rusisë.

Videon ku policia i kërkon Velkoviqit që të largohet nga hapësirat e Gazimestanit e ka shpërndarë Arsenijeviq nga arratia, duke propaganduar se ai “u arrestua”.

“Stefan Veljkoviq sapo u arrestua në Gazimestan sepse mbante veshur një bluzë me foton time”, shkroi ai.