Tragjike në Lezhë, 23-vjeçari nga Kosova dërgohet pa shenja jete në spital

Një 23-vjeçar ka humbur jetën në Lezhë teksa ndodhej për pushime me familjen. 

I riu nga Kosova raportohet se vuante nga probleme shëndetësore që në fëmijëri.

Policia bën me dije se 23-vjeçari ka mbërritur në spital pa shenja jete. Paraprakisht thuhet se i riu ka ndërruar jetë nga shkaqe natyrale.

Autoritetet kanë nisur hetimet për të zbardhur shkaqet dhe rrethanat e vdekjes së 23-vjeçarit në Lezhë.